Y Bencampwriaeth: Blackburn Rovers 1-1 Caerdydd

  • 7 Mawrth 2017
Blackburn v Caerdydd Image copyright Dave Howarth - CameraSport

Fe ildiodd Gaerdydd gôl hwyr iawn yn Blackburn wrth i'r tîm cartref frwydro yn galed i atal tîm Neil Warnock rhag ennill oddi cartref.

Roedd Blackburn yn wrthwynebwyr 'styfnig wrth iddyn nhw frwydro yn galed i geisio aros yn y bencampwriaeth.

Fe ddaeth unig gôl Caerdydd yn yr hanner cyntaf.

Unwaith eto Kenneth Zohore oedd y sgoriwr -ei wythfed o'r tymor - wrth iddo daro ergyd ysgytwol o groesiad Junior Hoilett ar ôl 35 munud.

Bu'n rhaid i Gaerdydd frwydro yn galed wrth i Blackburn bwyso yn gyson yn yr ail hanner.

Derrick Williams oedd sgoriwr gôl haeddiannol Blackburn yn y funud olaf, wrth i'r tîm cartref gael eu gwobrwyo am eu hymdrech fawr yn yr ail hanner.