Leanne Wood
Nid oes modd chwarae darnau sain a fideo ar eich dyfais

Tweli Griffiths: 'Leanne Wood wedi ei themtio'

24 Ebrill 2017 Diweddarwyd 10:00 BST

Mae arweinydd Plaid Cymru Leanne Wood wedi cyhoeddi na fydd hi'n sefyll fel ymgeisydd yn etholaeth Rhondda yn yr etholiad cyffredinol.

Daeth cadarnhad yn hwyr nos Sul ar ôl i Ms Wood, sy'n Aelod Cynulliad i'r etholaeth, ddweud ei bod yn rhoi "ystyriaeth fanwl" i'r posibilrwydd o ymgeisio am sedd yn Nhŷ'r Cyffredin ar 8 Mehefin.

Dywedodd y sylwebydd gwleidyddol Tweli Griffiths wrth raglen Post Cyntaf BBC Radio Cymru nad yw'n synnu fod Ms Wood wedi ei themtio i sefyll, ond wedi penderfynu peidio.