Lle Abertawe yn Uwch Gynghrair Lloegr yn ddiogel

  • 14 Mai 2017
Abertawe yn dathlu Image copyright Getty Images
Image caption Bydd Abertawe yn chwarae yn Uwch Gynghrair Lloegr tymor nesaf

Bydd Abertawe yn parhau i chwarae pêl-droed yn Uwch Gynghrair Lloegr tymor nesaf yn dilyn colled Hull City yn erbyn Crystal Palace ddydd Sul.

Yn dilyn buddugoliaeth Abertawe oddi cartref yn Sunderland ddydd Sadwrn o 2-0, roedd yn rhaid i Hull City ennill neu gael gêm gyfartal yn erbyn Crystal Palace ddydd Sul er mwyn cael unrhyw siawns o beidio cwympo i'r Bencampwriaeth.

Ond colli o 4-0 oedd hanes y Teigrod yn Llundain, sy'n golygu bod Abertawe bedwar pwynt yn glir o'r safleoedd cwymp gyda dim ond un gêm yn weddill o'r tymor.

Bydd Abertawe nawr yn chwarae gêm olaf y tymor yn Stadiwm Liberty yn erbyn West Brom ar 21 Mai yn gwybod eu bod yn saff o chwarae yn Uwch Gynghrair Lloegr tymor nesaf.