Plaid Cymru Conwy: Dim cytundeb Ceidwadol heb sêl bendith

Conwy

Bydd yn rhaid i gynghorwyr Plaid Cymru ar Gyngor Conwy gael sêl bendith pwyllgor gwaith y blaid cyn dod i gytundeb gyda'r Ceidwadwyr.

Mae arweinydd Cyngor Conwy - cyn aelod Cynulliad Plaid Cymru Gareth Jones - wedi gwahodd grwpiau o bleidiau eraill i ffurfio grŵp rheoli.

Mae'r cynghorwyr Ceidwadol ar y cyngor yn fodlon cydweithio, ond nid yw'r blaid Lafur am wneud hynny.

Pan ofynnodd BBC Cymru i Mr Jones ddydd Iau os oedd yn y broses o sefydlu cabinet o aelodau Plaid Cymru, y Ceidwadwyr a chynghorwyr annibynnol, dywedodd: "Ydym".

Daw hyn yn ystod ymgyrch etholiad cyffredinol lle mae arweinydd Plaid Cymru Leanne Wood wedi addo "amddiffyn Cymru rhag ymosodiadau'r Ceidwadwyr".

Image caption Roedd Gareth Jones yn Aelod Cynulliad rhwng 1999-2003 a 2007-2011

Mae hi wedi gwrthod y syniad o gydweithio gyda'r Ceidwadwyr yn y Cynulliad yn y gorffenn

Dywedodd prif weithredwr Plaid Cymru Gareth Clubb: "Nid yw Plaid Cymru yn ymuno mewn clymblaid gyda'r Ceidwadwyr ar Gyngor Conwy.

"Mae'n rhaid i unrhyw benderfyniad sy'n ymwneud a grwpiau Plaid Cymru ar gynghorau yn gwneud cytundebau gyda phleidiau eraill gael sêl bendith y blaid yn genedlaethol."

Mae disgwyl i bwyllgor gwaith Plaid Cymru gyfarfod ym mis Mehefin, ar ôl yr etholiad cyffredinol.ol.

Straeon perthnasol