Catriona Morison yn cipio teitl Canwr y Byd

  • 19 Mehefin 2017
Catriona Morison
Image caption Catriona Morison

Y Mezzo soprano Catriona Morison 31 oed o'r Alban sydd wedi ennill cystadleuaeth BBC Canwr y Byd eleni.

Cafodd y gystadleuaeth, sy'n cael ei ystyried yn un o gystadlaethau operatig pwysicaf y byd, ei chynnal yn Neuadd Dewi Sant, Caerdydd.

Roedd pump yn cystadlu yn y ffeinal eleni yn y gystadleuaeth ar gyfer cantorion sydd ar ddechrau eu gyrfa, a rhwng 18 a 32 oed.

Cystadleuwyr rownd derfynol Gwobr BBC Canwr Y Byd

Anthony Clark Evans, bariton o Unol Daleithiau America, 32 oed - enillydd rownd un

Ariunbaatar Ganbaatar, bariton o Fongolia, 29 oed - enillydd rownd dau

Louise Alder, soprano o Loegr, 30 oed - enillydd rownd tri

Kang Wang, tenor o Awstralia - 29 oed - enillydd pedwar

Catriona Morison, mezzo soprano o'r Alban, 31 oed - lle wedi ei neilltuo

Image copyright BRIAN TARR/BBC
Image caption Nadine Koutcher ddaeth i'r brig y tro diwethaf yn 2015

Roedd mwy na 300 o gantorion o 55 o wledydd wedi gwneud cais i fod yn rhan o'r gystadleuaeth eleni, a 20 wnaeth gyrraedd y rowndiau olaf.

Yn 1983 cafodd y gystadleuaeth ei chynnal am y tro cyntaf ac mae'n cael ei darlledu ar radio a theledu'r BBC.

Straeon perthnasol