Gwrthdrawiad angheuol Porthmadog: Cyhoeddi enw dynes

Jacky Owen Image copyright Heddlu Gogledd Cymru

Mae Heddlu Gogledd Cymru wedi cyhoeddi enw'r ddynes fu farw ar ôl gwrthdrawiad ar yr A487 ger Porthmadog yng Ngwynedd ddydd Sul.

Roedd Jacky Owen, 49 oed, yn dod o ardal Stoke-on-Trent.

Mae'r heddlu yn parhau i apelio am dystion i'r gwrthdrawiad rhwng sgwter a lori HGV ychydig cyn 14:15.

Mewn datganiad dywedodd teulu Ms Owen ei bod "yn mynd allan ar ei sgwter yn gyson a byddai'n ymweld â gogledd Cymru yn aml".

"Bydd yna golled fawr ar ei hôl. Mae ein calonnau wedi eu torri a bydd bywyd ddim yr un peth hebddi hi."

Dylai unrhyw un â gwybodaeth gysylltu â'r Uned Plismona Ffyrdd ar 101 gan ddefnyddio'r cyfeirnod V094381.

Straeon perthnasol