Tom Lawrence yn symud i Derby County o Gaerlŷr

Tom Lawrence Image copyright Getty Images

Mae ymosodwr Cymru, Tom Lawrence wedi symud i Derby County yn y Bencampwriaeth o Gaerlŷr.

Roedd Lawrence, sydd wedi chwarae chwech o weithiau i Gymru, ar fenthyg gydag Ipswich y tymor diwethaf.

Dechreuodd ei yrfa gyda Manchester United cyn symud i glwb Leicester City yn 2014.

Ond dros gyfnod o dair blynedd gyda'r clwb cafodd ei yrru allan ar fenthyg pedair gwaith.

Fe wnaeth Lawrence, 23, greu argraff yn Ipswich y tymor diwethaf, gan sgorio 11 gôl mewn 36 o gemau ac ennill gwobr chwaraewr y flwyddyn dros y clwb.