Dal pysgodyn 'anferth' 208kg oddi ar arfordir Sir Benfro

tiwna mawr Image copyright Andrew Alsop

Mae tiwna anferth yn pwyso tua 460 pwys wedi cael ei ddal oddi ar arfordir Sir Benfro.

Fe dreuliodd Andrew Alsop ddwy awr a 15 munud yn ceisio tynnu'r "bwystfil" 208kg i mewn ar ôl ei ddal ar ddamwain oddi ar arfordir Neyland.

Dywedodd Mr Alsop fod y pysgodyn yn un "unwaith mewn bywyd".

Ar ôl hynny cafodd y tiwna asgell las, sydd yn rhywogaeth brin, ei ddychwelyd i'r dŵr.

Image copyright Andrew Alsop
Image caption Fe gymerodd hi dros ddwy awr i Andrew Alsop ddal y pysgodyn

Mewn neges Facebook dywedodd Mr Alsop: "Wel am ddiwrnod!! Nes i ddal pysgodyn unwaith mewn bywyd heddiw ar ôl brwydr boenus o ddwy awr 15 munud ar ben fy hun.

"Y tiwna asgell las 460 pwys yma yw'r pysgodyn mwyaf erioed i gael ei ddal yn nyfroedd Cymru."

Ychwanegodd: "Dwi'n brifo drostaf nawr."

Mae'r tiwna asgell las wedi'i restru fel rhywogaeth dan fygythiad, a chyngor Sefydliad Rheoli Morol Llywodraeth y DU yw y dylid dychwelyd unrhyw rai sy'n cael eu dal yn anfwriadol yn ôl i'r môr heb eu niweidio os yn bosib.

Image copyright Andrew Alsop