Uwch Gynghrair: Caerlŷr 1-1 Abertawe

Carlos Carvalhal Image copyright Getty Images
Image caption Mae record Abertawe wedi gwella ers penodi Carlos Carvalhal fel rheolwr

Fe gafodd Abertawe bwynt da oddi cartref yn erbyn Caerlŷr, gan ymestyn rhediad diguro'r tîm ym mhob cystadleuaeth i saith gêm.

Jamie Vardy oedd y cyntaf i sgorio wedi 17 munud yn Stadiwm King Power, a Chaerlŷr gafodd y gorau o'r hanner cyntaf.

Ond fe dalodd Caerlŷr yn ddrud ar ôl methu sawl cyfle i ymestyn y fantais gan fod perfformiad yr Elyrch yn gryfach wedi'r egwyl.

Federico Fernandez wnaeth unioni'r sgôr gyda pheniad o gic gornel Ki Sung-yueng wedi 53 munud.

Mae Abertawe yn 17fed yn y tabl wedi'r canlyniad.

Dywedodd y rheolwr Carlos Carvalhal ei fod yn hapus gyda phwynt.

"Fe gawsom ni hanner cyntaf gwael ond yna fe aethon ni ati i gywiro pethau."

Gartref yn Stadiwm Liberty fydd dwy gêm nesaf yr Elyrch - yn erbyn Notts County yng Nghwpan FA Lloegr a Burnley yn yr Uwch Gynghrair