Cyhuddo dau arall wedi ymosodiad ar Ifan Owens yn Aberystwyth

Ifan Owens Image copyright Llun teulu

Mae dau ddyn arall wedi eu cyhuddo mewn cysylltiad ag ymosodiad ar fyfyriwr yn Aberystwyth ar 14 Ionawr.

Cafodd Ifan Owens, 19 o Gaerdydd, ei anafu'n ddifrifol yn y digwyddiad ar Y Stryd Uchel.

Mae Andrew Raymond John Scott, 24 oed, wedi ei gyhuddo o achosi niwed corfforol difrifol gyda bwriad, ac o fod a chanabis yn ei feddiant.

Mae Lee Andersen-Warnes, 20, wedi ei gyhuddo o achosi niwed corfforol difrifol gyda bwriad.

Roedd y ddau wedi eu cyhuddo i ymddangos ger bron Ynadon Abertawe ddydd Sadwrn.

Ddoe fe wnaeth dau ddyn arall ymddangos gerbron Llys Ynadon Hwlfford, hefyd mewn cysylltiad â'r ymosodiad.

Fe fydd David Lloyd, 25 oed, a Billy Michael Valentine, 19, yn wynebu achos llawn yn Llys y Goron Abertawe ar 11 Mai.

Fe wnaeth Ifan Owens ddeffro o goma ar 11 Chwefror.

Pynciau Cysylltiedig