Ingabo za ONU ziri muri Centrafrique zongeye gushinjwa ihoterera rishingiye ku gitsina

Abasirikare bo mu mutwe wa ONU ubungabunga amahoro muri Republika ya Centrafrique Uwufise ububasha kw’isanamu AFP
Image caption Abasirikare bo mu mutwe wa ONU ubungabunga amahoro muri Republika ya Centrafrique

Ubuyobozi bw'umutwe w'ingabo za ONU zibungabunga amahoro muri Republika ya Centrafrique buravuga ko bumaze kwakira ibirego bishya bishinja na bamwe muri izo ngabo n'abasivili bari muri uwo mutwe ibyaha by'ihohotera rishingiye ku gitsina.

Ibyo byaha ngo byaba barakozwe muri 2014 na 2015 mu karere ka Kemo kari hagati mu gihugu. ONU ivuga ko igiye kubikoraho iperereza.

Umutwe w'ingabo za ONU muri Repubulika ya Centrafrique wakunze gushinjwa ibyaha by'ihohotera rishingiye ku gitsina mu gihe cyashize.

Hashize ibyumweru bibiri akanama ka ONU gashinzwe umutekano ku isi gafashe umwanzuro uteganya gutahutana abasirikare bose b'igihugu iki n'iki bari mu mitwe ibungabunga amahoro mu gihe bamwe muri bo bashinjwe ibyaha by'ihohotera rishingiye ku gitsina.