Ababyeyi b'abakobwa b'i Chibok bagiye kwoherezwa muri Cameroon

Ifoto y'abana b'abanyeshuri b' i Chibok bashimuswe na Boko Haram muri 2014 Uwufise ububasha kw’isanamu AFP
Image caption Abanyeshuri b'abakobwa b' i Chibok bashimuswe na Boko Haram muri 2014

Leta ya Nigeria igiye kwohereza muri Cameroon ababyeyi bo mu majyaruguru y'Uburasirazuba bw'igihugu kureba niba umuntu wari wagennwe kuba umwiyahuzi utega ibisasu ari umwe mu bana b'abanyeshuri b'abakobwa bashimuswe.

Nyuma yo gutabwa muri yombi muri Cameroon kuwa gatanu, uwo mugore yabwiye abakora iperereza ko ari umwe mu bakobwa magana abiri na mirongo irindwi bashimuswe n'umutwe ugendera ku matwara akaze y'idini ya Islamu wa Boko Haram ahitwa Chibok muri 2014.

Hari undi mugore umwe bafunganywe. Bombi bari bambaye imikandara irimo ibisasu.

Abategetsi bo muri Nigeria baravuga ko ibyo bivugwa nawe ari ukubyitondera.

Boko Haram akenshi ikoresha abagore nk'abiyahuzi batega ibisasu muri gahunda yo gushyiraho amategeko akaze y'idini ya Islamu mu majyaruguru ya Nigeria.