Irushanwa ry'igikombe cy'Uburayi kuri uyu wa gatatu

Abakinnyi Uwufise ububasha kw’isanamu EPA

Mu mikino yabaye uyu munsi Roumania yanganyije n'Ubusuwisi 1-1.

Igitego cy'Ubusuwisi cyatsinzwe na Mehmedi ku munota wa 57 naho igitego cya Roumania gitsindwa na Stancu ku munota wa 18 kuri penaliti.

Mu itsinda ayo makipe arimo rya A, Ubusuwisi bufite amanota 4 mu gihe Roumania ifite inota rimwe nyuma y'imikino ibiri kuri ayo makipe yombi.

Mu gihe twandika iyi nkuru muri iryo tsinda Ubufaransa burimo guhura na Albania ibitego bikaba ari 0-0 mu gice cya mbere.

Naho mu itsinda rya B, Slovakia yatsinze Uburusiya 2-1.

Uburusiya bumaze gukina imikino ibiri bukaba bufite inota rimwe mu gihe Slovakia (imikino 2) na Wales (umukino umwe) bifite amanota 3.

Ubwongereza nabwo muri iryo tsinda bufite inota rimwe mu mukino umwe bumaze gukina.