Korea ya ruguru yagerageje ibindi bisase

missile Uwufise ububasha kw’isanamu Reuters
Image caption Korea ya ruguru yagerageje ibindi bisase bishika kure

Korea y'epfo ivuga ko Korea ya ruguru yagerageje kandi ibindi bisase bibiri, ivyerekena ku mugaragaro ko ibihano bafatiwe na Onu vyerekeye ubutunzi.

Ico gihugu kivuga ko igisase ca mbere nta co cashitseko, ariko ica kabiri cashitse ku birometero amajana ane.

Umuvugizi w'umushikiranganji w'ubumwe bw'igihugu, Joon-hee yavuze ko iryo geragezwa rirenga ku bihano bafatiwe.

"Itera ry'ivyo bisase bakoresheje ubuhinga bwo mu kirere, riteye kubiri n'ibihano vy'amakungu. N'agasomborotso kuri twebwe. Turahanura ko vyoba vyiza kuri Korea ya ruguru, kwongoreza inguvu mu kugarukana amahoro mu karere, n'imibereho y'abantu bayo." ni ko yavuze.

Na yo umushikiranganji wa mbere w'Ubuyapani Shinzo Abe yiyamirije iyo nyifato ya Korea ya ruguru.

"Uyu musi hatewe ibisase hakoreshejwe ubuhinga bwo mu kirere, uku ni ukurenga ku mategeko bigaragara y'akanama ka Onu kajejwe umutekano. Ntituzovyemera kandi ugiye gutegura ingingo yo kuvyiyama," ni ko uwo mushikiranganji wa mbere yavuze.