Ronaldo yararushije Messi amahera yaronse mu 2015

Christiano Ronaldo Uwufise ububasha kw’isanamu Reuters
Image caption Christiano Ronaldo ni we yinjije amahera menshi mu mwaka wa 2015

Christiano Ronaldo ni we mukinyi wa mbere aronka amahera menshi kw'isi nk'uko vyandikwa n'ikinyamakuru ca Forbes.

Ronaldo yashizwe ku rutonde rw'abantu bane, akaba yaronse amadolali imiliyoni 88.

Messi, umukinyi wa mbere kw'isi wo muri Argentine akinira umugwi wa Barcelone, aherutse gucibwa urubanza rwo gupfungwa amezi 21 kubera kutariha ikori, ari mu kibanza c'umunani n'amadolali imiliyoni 81.5.

Umuririmvyi rurangiranwa wo muri Amerika Taylor Swift ni we aza mu kibanza ca mbere.

Uwufise ububasha kw’isanamu Getty Images
Image caption Umuririmvyi rurangiranwa wo muri Amerika Taylor Swift ni we aza mu kibanza ca mbere.

Iwo muririmvyi yaronse amadolali imiliyoni ijana na mirongo umunani ($170m) mu mwaka uheze.

Uwundi muhinga mu tugenegene two gutwenza, na we nyene wo muri Amerika, Kevin Hart, na we ari kuri urwo rutonde.

Uwufise ububasha kw’isanamu Getty Images
Image caption Mu mwaka uheze, ikinyamakuru kizwi cane kw'isi ca Forbes canditse ko Hart yaronse amadolali imiliyoni 87.5.

Mu mwaka uheze, ikinyamakuru kizwi cane kw'isi ca Forbes canditse ko Hart yaronse amadolali imiliyoni 87.5.

Umuririmvyi wo mu Bwongereza, Adele, yamenyekanye cane ku ndirimbo yiwe "hello" ari mu kibanza 9.

Uwufise ububasha kw’isanamu AFP
Image caption Lionel Messi aza mu kibanza c'umunani n'amadolali imiliyoni 81.5

Adele yaronse amadolali imiliyoni 80.5.

Uru ni rwo rutonde rw'abaronse amahera menshi mu mwaka wa 2015

1. Taylor Swift - $170m (£130m)

2. One Direction - $110m (£84.6m)

3. James Patterson - $95m (£72.3m)

4. Cristiano Ronaldo - $88m (£67m)

6. Kevin Hart - $87.5m (£66.6m)

7. Howard Stern - $85m (£65.4m)

8. Lionel Messi - $81.5m (£62.1m)

9. Adele - $80.5m (£61.9m)

10. Rush Limbaugh (US ) - $79m (£60.1m)