I Kinshansa haravugwa umwuka w'ubushyamirane

Perezida Joseph Kabila avuga ko amatora yo mu kwezi gutaha atagomba kuba Uwufise ububasha kw’isanamu Getty Images
Image caption Perezida Joseph Kabila avuga ko amatora yo mu kwezi gutaha atagomba kuba

Amakuru ava muri Repubulika Iharanira Demokarasi ya Congo aravuga ko hari ubushyamirane, inzego z'umutekano zagabwe mu murwa mukuru, Kinshansa, nyuma y'uko abategetsi baburijemo imyigaragambyo y'uruhande rutavuga rumwe n'ubutegetsi.

Abatangabuhamya baravuga ko abayobozi mu Muryango w'Abibumbye nabo bari kubuzwa kwegera inzu y'umuyobozi w'uruhande rutavuga rumwe na leta, Etienne Tshisekedi.

Bwana Tshisekedi yahamagariye perezida Joseph Kabila kuva ku butegetsi, igihe manda ye izaba igeze ku musozo mu kwezi gutaha kwa 12.

Bwana Kabila yavuze ko amatora y'umukuru w'igihugu yo mu kwezi kwa 12 agomba gusubikwa kugeza mu mwaka utaha kubera impamvu z'uburyo.

Hagati aho, Bwana Kabila yashyizeho minisitiri mushya w'Intebe, Samy Badibanga.