Julian Assange ntasamajwe no gukurirwaho iperereza

Julian Assange amaze imyaka irindwi yarahungiye mu nzu y'uhagarariye Ecuador i London, akabigereranya no gufungwa azira ubusa Uwufise ububasha kw’isanamu Getty Images
Image caption Julian Assange amaze imyaka irindwi yarahungiye mu nzu y'uhagarariye Ecuador i London, akabigereranya no gufungwa azira ubusa

Julian Assange washinze urubuga rwa interineti Wikileaks rwo kumeneraho amabanga, yavuze ko atazababarira cyangwa se ngo yibagirwe ukugerageza kumuta muri yombi kubera ibirego byo gufata abagore ku ngufu.

Byatumye asaba ubuhungiro mu nzu y'uhagarariye igihugu cya Ecuador i London.

Yagize ati: "Uyu munsi ni intsinzi y'ingenzi kuri jye no ku ishami ry'uburenganzira bwa muntu mu muryango w'abibumbye, ariko ntibihanagura imyaka irindwi maze mfunzwe nzira ubusa ... mu gihe abana banjye bakuze".

"Icyo si ikintu nshobora kubabarira cyangwa ngo nibagirwe".

Assange yavuze ko yiteguye kugirana ibiganiro n'abategetsi b'Ubwongereza na Leta Zunze Ubumwe z'Amerika.

Bwana Assange w'imyaka 45 y'amavuko, ashakishwa n'ubutegetsi bw'Amerika kubera kumena amabanga akubiye mu nyandiko za gisirikare n'imibanire n'ibihugu.

Kuri uyu wa gatanu, Suwede yavuze ko yafashe umwanzuro wo guhagarika iperereza ku byaha ashinjwa byo gufata abagore ku ngufu.

Hagati aho, igihugu cya Ecuador cyashishikarije Ubwongereza kumureka akagisohokamo mu mutekano.

Assange yahisemo kuguma mu nzu y'uhagarariye Ecuador mu Bwongereza atinya ko yakoherezwa mu gihugu avukamo cya Suwede nacyo kikamwohereza muri Leta Zunze Ubumwe z'Amerika.