Intumwa ya Onu mu Burundi yashitse i Bujumbura

Michel Kafando intumwa idasanzwe ya Onu mu Burundi Uwufise ububasha kw’isanamu Reuters
Image caption Michel Kafando intumwa idasanzwe ya Onu mu Burundi

Intumwa idasanzwe y'umunyamabanga mukuru w'ishirahamwe mpuzamakungu ONU mu Burundi yashitse muri ico gihugu mu rugendo rwa mbere kuva ashingwa ayo mabanga.

Michel Kafando yabaye umukuru mfatakibanza wa Burkina Faso yashitse ku muhingamo i Bujumbura mu rugendo rushobora kumara iminsi itatu.

Umuzo wiwe ntiwamenyekanishijwe mu binyamakuru, mbere na gahunda yiwe ntiraja ahagaragara.

Michel Kafando yagenywe n'umunyamabanga mukuru wa ONU Antonio Gutteres mu kwezi kwa gatanu asubirira Jamal Benomar .

Imigenderanire hagati y'Uburundi na ONU imaze igihe itifashe neza.

Muri ayo mabanga asubiriye Jamal Benomar yaheruka kwiyamirizwa na reta y'Uburundi imwagiriza gutanga ivyegeranyo bitavuga ukuri kubibera muri ico gihugu.