Trudeau yahuye n'uruhinja rwamwitiriwe

Ministri w'intebe yacigatiye urwo ruhinja igihe gito mu mujyi wa Calgary Uwufise ububasha kw’isanamu ADAM SCOTTI/TWITTER
Image caption Ministri w'intebe yacigatiye urwo ruhinja igihe gito mu mujyi wa Calgary

Ministri w'intebe wa Canada, Justin Trudeau, yahuye n'uruhunja rwamwitiriwe kuwa gatandatu mu mujyi wa Calgary.

Uyu mwana w'umuhungu ababyeyi be bakomoka mu gihugu cya Syria bamwise Justin Trudeau kugirango bashimire igihugu cya Canada ukuntu cyabakiriye.

Uru ruhinja rw'amezi abiri, rwitwa Justin Trudeau Adam Bilan, rwari rufite ibitotsi igihe ministri w'intebe wa Canada yarucigatiraga mu mujyi wa Calgary kuwa gatandatu.

Uwufise ububasha kw’isanamu FACEBOOK/MUHAMMAD BILAN
Image caption Muhammad Bilan n'uruhinja rwe Justin Trudeau mu kwezi kwa gatanu

Rwavukiye muri uyu mujyi nyuma y'amezi menshi ababyeyi barwo n'abandi bana babo babiri bahunze intambara yo muri Syria.

Baturuka i Damas mu murwa mukuru wa Syria.

Igihe bageraga i Montreal mu kwezi kwa kabiri k'umwaka ushize, Bwana Trudeau ntabwo yari ahari ngo abakire nkuko yabikoreye izindi mpunzi zo muri Syria.

Ariko rero basanze byaba byiza umwana wabo bamuhaye izina rye kugira ngo bamushimire.