Umugabo ukekwa gutera mu isoko rigari rya Hamburg "yai azwi nk'umuhezanguni wa kiyisilamu"

Polisi yavuze ko umugabo wateye yaneshejwe n'abari bari ku iduka Uwufise ububasha kw’isanamu Getty Images
Image caption Polisi yavuze ko umugabo wateye yaneshejwe n'abari bari ku iduka

Polisi yavuze ko umugabo wishe umuntu umwe agakomeretsa batandatu mu iduka akoresheje icyuma mu mujyi wa Hamburg yari asanzwe azwi nk'intagondwa ya kiyisilamu.

Umuvugizi wa polisi Andu Grote yagize ati:

"Yari azwi nk'umuihezanguni wa kiyisilamu ariko ntiyari umurwani wa jihadi" anongeraho ko uwo mugabo yari afite "ibibazo byo mu mutwe".

Uwo mugabo ufite inkomoko mu bihugu bya United Arab Emirates wasabye ubuhungiro akabwimwa, yateye abari baje guhaha ku wa Gatanu.

Polisi yanavuze ko yabikoze ku giti cye aza kuganzwa n'abaturage.

Uwufise ububasha kw’isanamu Getty Images
Image caption Inzobere mu gushaka ibimenyetso bifitanye isano n'amaraso bagiye ahabereye igitero

Kuri uyu wa Gatandatu, mu kiganiro n'abanyamakuru, polisi yavuze ko uyu musore w'imyaka 26 yari afite ibibazo byo mu mutwe.

Ntibisobanutse neza icyo uyu mugabo yari agamije.

Polisi yashimye abagabo batatu bakurikiye uyu wishe umuntu nyuma y'uko amashusho yagaragaye yerekana abantu bari hafi bakoresha intebe mu kumugota.

Ababibonye bavuze ko hari abari aho bamubwiraga mu Cyarabu ngo ashyire icyuma hasi.