Muri Kenya utavuga rumwe na leta, David Ndii, yatawe muri yombi

Ibitangazamakuru byo muri Kenya biravuga ko Bwana Ndii yari afite uruhare muri gahunda yo gushyiraho leta ibangikanye na leta yemewe. Uwufise ububasha kw’isanamu NASA COALITION/TWITTER
Image caption Ibitangazamakuru byo muri Kenya biravuga ko Bwana Ndii yari afite uruhare muri gahunda yo gushyiraho leta ibangikanye na leta yemewe.

Umwe mu bayobozi b'abatavuga rumwe na leta muri Kenya, David Ndii, yatawe muri yombi.

Umwunganira mu mategeko yavuze ko yiteze ko aza gushinjwa icyaha cyo guhamagarira abaturage kwivumbura kuri leta.

Ibitangazamakuru byo muri Kenya biravuga ko Bwana Ndii yari afite uruhare muri gahunda yo gushyiraho leta ibangikanye na leta yemewe.

Umukuru w'abatavuga rumwe na leta, Raila Odinga, yavuze ko itabwa muri yombi rye ari uburyo bwo gutera abantu ubwoba.

Bwana Odinga yanze kwitabira amatora y'umukuru w'igihugu yasubiwemo yatsinzwe na Uhuru Kenyatta nyuma yaho ayabaye mu kwezi kwa munani agiriwe impfabusa.

Odinga avuga ko azarahirira kuyobora Kenya ku itariki ya 12 z'uku kwezi.