Abatutage muri Benin, Cape Verde, Congo, Nijeri, Senegal na Zanzibar baratoye

Minisitiri w'intebe wa Benin Bwana Zinsou yemeye ko yatsinzwe na Patrice Talon mu matora y'icyiciro cya kabiri

Uwufise ububasha kw’isanamu AFP
Image caption Minisitiri w'intebe Lionel Zinsou (ibumoso), Patrice Talon, umunyemali mu bucuruzi bw'ipamba (iburyo)

Benin "icyitegererezo cya Afurika"

Bwana Zinsou yanditse ku rukuta rwe rwa Facebook avuga ko yahamagaye Bwana Talon akamucyeza ku "ntsinzi ye no ku mwifuriza amahirwe.

Amajwi ya nyuma ntaratangazwa ariko Bwana Zinsou yavuze ko uwo bahanganye "yatsinze byimazyo".

Nibyemezwa, bizaba ari impinduka ikomeye kuri Bwana Talon, waje inyuma gato ya Bwana Zinsou mu cyiciro cya mbere cy'amatora ku majwi 28% kuri 25%.

Perezida Thomas Boni Yayi agiye kurekura ubutegetsi nyuma yo gutegeka manda ebyiri.

Bwana Talon yahoze ari inkoramutima ya perezida Boni Yayi ariko yarezwe gucura umugambi wo kumuroga mu mwaka wa 2012.

Yahungiye mu Bufaransa ariko agaruka mu gihugu mu kwaka ushize, nyuma yo guhabwa imbabazi na perezida.

Amatora kandi yanakozwe muri Benin, Cape Verde na Zanzibari.

Congo-Brazzavile yafunze telefoni

Congo-Brazzaville yafunze imirongo y'itumanaho mu gihe cy'iminsi ibiri kugira ngo iburizemo itangazwa ry"amajwi atemewe n'amategeko" y'umukuru w'igihugu.

Abapolisi bashinzwe kurwanya imyigaragambyo bakoresheje ibyuka bya gazi biryana mu maso kugira ngo batatanye abantu babarirwa muri mirongo bashyigikiye abatavuga rumwe na leta bavugaga ko habaye ibikorwa by'uburiganya mu matora mu murwa mukuru.

Biravugwa ko amatsinda y'abatavuga rumwe na leta yangiwe kugera ahabarurirwa amajwi.

Mbere y'umunsi w'amatora, minisitiri w'ubutegetsi bw'igihugu muri COngo, Raymond Mboulou yari yategetse ibigo by'itumanaho gufunga itumanaho ryose rya telefoni, ubutumwa ndetse na interineti.

Uwufise ububasha kw’isanamu AFP
Image caption Abatora binubiye ibikorwa by'uburiganya kugeza polisi imishe ibyuka biryana mu maso mu kubatatanya.

Nimero za telefoni nke z'abayobozi gusa ni zo zagumye ku murongo w'itumanaho.

Guverinoma kandi yari yanahagaritse ikoreshwa ry'amamodoka mu gihugu usibye abafite impushya zidasanzwe.

Abatavuga rumwe na leta bari bamaganye icibwa ry'itumanaho, bavuga ko rituma abagenzuzi b'amatora badakora akazi kabo, ndetse banatanga impuruza y'ibikorwa by'uburiganya.

Jenerali Jean-Marie Michel Makoko abonwa nk'umuntu uhangaye perezida Denis Sassou Nguesso.

Uwufise ububasha kw’isanamu AFP
Image caption Perezida Denis Sassou Nguesso ari ku butegetsi kuva muri 1979

Bwana Sassou Nguesso ari ku butegetsi kuva mu mwaka wa 1979, uretse imyaka itanu gusa yatsinzwe amatora muri 1992.

Itegekonshinga ryahinduwe nyuma ya kamarampaka yo mu kwezi kwa Cumi yakuyeho ihihe ntarengwa cy'imyaka perezida ategeka ndetse n'imyaka y'amavuko ya perezida yari kuba yarabujije Nguesso w'imyaka 72 kwiyamamaza.

Umukandida wasibye amatora muri Nijeri

Uruhande rw'abatavuga rumwe na leta rwahamagariye kutitabira amatora, bavuga ko arimo uburiganya, kandi umunyamakuru wa BBC Ishaq Khalid yavuze ko atabonye abantu benshi ku biro by'amatora mu murwa mukuru Niamey.

Byitezwe ko perezida Muhamadou Issoufou ari butsinde amatora muri manda ya kabiri mu matora arimo n'uwahoze ari minisitiri w'intebe ndetse n'umukuru w'inteko ishinga amategeko Hama Amadou.

Bwana Amadou yafunzwe mu kwezi kwa Cumi na Kumwe ku byaha ahakana byo gucuruza abana. Mu cyumweru yajyaywe mu Bufaransa kuvurirwayo.

Icyo arwaye ntikizwi, ariko bivugwa ko ubuzima bwe bwahungabanye cyane igihe yari ari muri gereza.

Nijeri, kimwe mu bihugu bikennye ku isi, ifite ibibazo bishingiye ku iterabwoba ry'umutwe wa jihadi ndetse yanagabweho ibitero n'abarwanyi bo mu mitwe ya al-Qaeda na Boko Haram ku wa Kane.

Mu cyiciro cya mbere cy'amatora mu kwezi kwa Kabiri, Bwana Issoufou yabonye 48% by'amajwi mu gihe bwana Amadou yaje ku mwanya wa kabiri n'amajwi 17%.

"Kwanga amatora muri Zanzibari"

Umutekano wari wakajijwe muri Zanzibari nyuma y'imyivumbagatanyo yo mu matora aherutse.

Umunyamakuru wa BBC, Tulanana Bohela, yavuze ko aho yasuye ku biro by'amatora, nta bantu benshi bari bahari.

Ishyaka ritavuga rumwe na leta, Civic United Front (CUF) ryasabye abayoboke baryo kutoitabira amatora,

Igihe ntarengwa cya manda muri Senegali

Itegeko nshinga rishya ryatowe muri Senegali ryavana manda ya perezida ku myaka irindwi ikajya kuri itanu kandi ntiryakwemerera umuperezida kwiyamamariza manda zirenga ebyiri zikurikiranyije.

Umunyamakru wa BBC uri i Dakar, Maud Jullien, avuga ko ibi ari ibintu bidasanzwe ku mugabane wa Afurika aho abategetsi benshi bari kugerageza kongera manda zabo.

Ibi bishobora gutuma isura ya Senegali iba nziza cyane mu mahanga nk'igihugu kigendera ku bwisanzure, ariko mu gihugu hagati, avuga ko ibi byakuruye impaka zikomeye zirimo no kubinenga.

Abanenga perezida Macky Sall bavuga ko yari yarasezeranyije kugabanya igihe cya manda ye ariko ntiyabikoze, kandi itegeko nshinga ririho rihinduwe ryareba abaperezida bazategeka mu bihe biri imbere, ntiryareba Bwana Sall.

Umunyamakuru wacu avuga ko iyi kamarampaka yabaye isuzuma rimaze igihe rivugwaho byinshi kuri perezida kurusha kuba impaka zishingiye ku bibazo biyikubiyemo.

Itegeko nshinga rishya riteganya izinzi mpinduka 14 zirimo:

  • Umuyobozi utavuga rumwe na leta azagira umwanya wemewe mu itegeko nshinga kandi azagerwaho n'inyungu zihabwa abayobozi
  • Ubuyobozi bw'inzego z'ibanze buzagira imbaraga zirushijeho
  • Ubundi burenganzira ku baturage bushiniye ku buzima bwiza, umutungo kamere ndetse no gutunga ubutaka.

Amatora y'inteko ishinga amtegeko muri Cape Verde

Mu majwi menshi amze kubarurwa, abatavuga rumwe na leta baharanira ubwisanzure, MPD, byitezwe ko babona intsinzi y'ubwiganze mu nteko, bagakura ku butegetsi ishyaka ryaharaniye ubwigenge bwa Cape Verde (PAICV) nyuma y'imyaka 15 ribumazeho.

Amashyaka yombi yavuzwe cyane mu ruhando rwa politike kuva igihugu cyabona ubwigenge kibukuye kuri Poritigali muri 1975.

Minisitiri w'intebe watowe, Ulisses Correia e Silva yavuze ko amatora yerekanye ukuntu abanya Cape Verde banyotewe n'ejo hazaza h'ubukungu buteye imbere.

Amatora y'umukuru w'igihugu azaba muri uyu mwaka.

Ibindi kuri iyi nkuru