Ibitero bya Paris: Ukekwa gufasha mu bitero yatahuhwe ku izina rya Najim Laachraoui

Najim Laachraoui uzwi nka Soufiane Kayal, ifoto yafashwe na polisi y'Ububiligi Uwufise ububasha kw’isanamu Polisi y'Ububiligi
Image caption Najim Laachraoui avugwa ko yakoreshaga indangamuntu itari iye igihe yatemberanaga na Salah Abdeslam

Abashinjacyaha mu Bubiligi bavuga ko ibimenyetso by'amasano y'amaraso byerekanye umufatanyacyaha mu biteri bya Paris wakoranye na Salah Abdeslam watawe muri yombi.

Uwo mugabo yitwa Najim Laachraoui w'imyaka 24, ntarafatwa. Itangazo ryavuze ko yari amaze igihe akoresha ibyangombwa by'ibihimbano kandi ko ibimenyetso bigaragaza isano y'amaraso bita DNA, byagaragaye ku nzu yakoreshejwe n'urusobe rw'agatisko k'umutwe wa jihadi.

Abdeslam yatawe muri yombi i Buruseli ku wa Gatanu kandi aracyahatwa ibibazo.

Perezida w'Ubufaransa François Hollande araza kubonana n'abavandimwe b'imiryango y'abantu 130 biciwe mu biteri byo ku wa 13/11/2015.

Hagati aho, abanyamategeko bunganira Abdeslam bahakanye ibivugwa n'itangazamakuru mu Bubiligi ko ukekwa azakoreshwa mu gutanga amakuru mu ngurane yo gufatwa neza.

Umutwe wiyita Islamic State (IS) wigambye ibitero byagabwe i Paris.

Uwufise ububasha kw’isanamu AFP
Image caption Polisi ikomeje guhiga undi ukekwa ugaragara ari kumwe na Abdeslam, Mohamed Abrini

Undi ushakishwa ni Mohamed Abrini, wafotowe ari kuri sitasiyo ya lisansi ari kumwe na Abdeslam iminsi mbere y'ibitero byagabwe i Paris.

Umunyamategeko wunganira Abdeslam, Sven Mary, yabwiye radiyo yo mu Bubiligi ko uwo yunganira yagaragaye "yiruhutsa" ko kumuhiga birangiye.

Mary yagite ati:

"Salah arashaka gukorana [n'inzego z'umutekano] kandi yarabikoze kuva ku wa Gatandatu. Ese turi busabe ko yaba [nk'umutangamakuru?] Ntiyigeze avuga ko ashaka kuba umutangamakuru. Sinigeze mvuga ko yabisabye."

Ariko yongeyeho ati:

"Navuze ko ashobora kuba umuntu w'agaciro ki mpande zitandukanye. Ashobora gutanga amakuru y'ingenzi kuri polisi ndetse n'abacamanza n'abanyamategeko."