Jean-Pierre Bemba: Wahoze ari umuyobozi w'inyeshyamba yahamijwe ibyaha by'intambara

Jean-Pierre Bemba muri 2010 Uwufise ububasha kw’isanamu Reuters
Image caption Jean-Pierre Bemba yafatiwe mu Bubiligi muri 2008

Urukiko Mpuzamahanga Mpanabyaha (ICC) rwahamije Jean Pierre Bemba ibyaha by'intambara, wahoze ari umuyobozi w'inyeshyamba muri Repubulika Iharanira Demokarasi ya Congo mu rubanza rwaberaga i Hague.

Bwana Bemba yashinjwe kunanirwa guhagarika inyeshyamba ze kwica no gufata ku ngufu abantu mu bice by'igihugu cya Repubulika ya Centre Afurika (CAR) muri 2002 na 2003.

Yari yarohereje abarwanyi barenga 1.000 kujya gufasha gutembagaza ubutegetsi.

Uwufise ububasha kw’isanamu AFP
Image caption Bwana Bemba yayoboye inyeshyamba za MLC muri DRC mbere yo gushyira umukono ku masezerano y'amahoro na guverinoma

Bwana Bemba, wahoze ari umukuru w'igihugu wungirije muri Repubulika Iharanira Demokarasi ya Congo azaguma mu buroko kugeza igihe azasomerwa ibihano.

Ni ku nshuro ya mbere urukiko rwibanze ku byaha bishingiye ku gitsina nk'intwaro y'intambara.

Jean-Pierre Bemba:

Uwufise ububasha kw’isanamu Getty Images
Image caption Bwana Bemba yigeze kugirana umubano mwiza na bamwe mu bategetsi ba Afurika
  • Umwana w'umunyemali ukomeye
  • 1998: Yafashijwe na gushinga ingabo z'umutwe wa MLC
  • 2003: Yabaye Visi perezida nyuma y'amasezerano y'amahoro.
  • 2006: Yatsinzwe na perezida Joseph Kabila mu matora y'icyiciro cya kabiri ariko abona amajwi menshi Burengerazuba bwa DR Congo, harimo na Kinshasa
  • 2007: Yahungiye mu Bubiligi nyuma y'imirwano yabereye i Kinshasa.
  • 2008: Yatawe muri yombi i Buruseli ashyikirizwa ICC