Abdeslam yanze kuvuga nyuma y'ibitero by'i Buruseli

Ifoto ya Salah Abdeslam yasohowe n'igipolisi cyo mu Bufaransa Uwufise ububasha kw’isanamu AP
Image caption Ifoto ya Salah Abdeslam

Ubushinjacyaha buravuga ko Salah Abdeslam, ukekwaho kugira uruhare mu bitero by'i Paris akaba yaratawe muri yombi mu cyumweru gishize i Buruseli, yanze kuvuga nyuma y'ibitero by'i Buruseli.

Abashinjacyaha baravuga ko Abdeslam ubundi yabanje kwemera kugira icyo ababwira ariko nyuma y'ibitero by'iterabwoba bw'i Buruseli ahitamo kutagira icyo yongera kuvuga nkuko abyemererwa n'amategeko.

Yatawe muri yombi hasigaye iminsi mike ngo umujyi wa Buruseli wibasirwe n'ibitego by'iterabwoba byahitanye abantu 31.

Abantu 12 bakekwa kubigiramo uruhare batawe muri yombi kuwa kane no kuwa gatanu mu bihugu bitatu.

Batandatu muri bo bafungiwe mu Bubirigi kuwa kane naho abandi batatu bafungwa kuwa gatanu.

Ariko hari benshi barekuwe.

Babiri bafatiwe mu Budage naho umwe afatirwa mu Bufaransa.

Hagati aho, abategetsi bo mu Bubirigi batangaje izina ry'umwiyahuzi wa kabiri mu bagabye ibitero byo kuwa kabiri ushize muri icyo gihugu.

Uwo nawe ni Laachraoui kandi hari n'ibimenyetso bya DNA yasize ahantu hagabwe ibitero by'iterabwoba i Paris mu kwezi kwa 11 umwaka ushize.

Uwufise ububasha kw’isanamu BBC Sport
Image caption Laachraoui yari azwi ku izina ry'iriihimbano rya Soufiane Kayal

Umutwe wiyita Leta ya Kiyislamu wavuze ko ariwe uri inyuma y'ibitero by'iterabwoba by'i Buruseli mu cyumweru gishize n'ibyagabwe i Paris mu Bufaransa mu mpera z'umwaka ushize.

Kuwa gatanu uwo mutwe wasohoye video ku bitero by'i Buruseli uvuga ko byari ukwihorera kubera ibitero ingabo z'amahanga zigaba kuri uwo mutwe muri Iraq no muri Syria.