Muri Uganda ababyeyi badakingiza abana bazafungwa amezi 6

Umwana urimo gukingirwa Uwufise ububasha kw’isanamu AFP
Image caption Leta ivuga ko ugerarnyije 3% by'abana badakingiwe.

Itegeko rishya ryashyizweho umukono na Perezida Yoweri Museveni riteganya ko ababyeyi badakingiza abana babo bashobora gufungwa amezi atandatu.

Iryo tegeko kandi rivuga ko buri mwana agomba kuba afite ikarita yo gukingirwa kugirango ashobore kwiga.

Ministri w'ubuzima muri Uganda, Achieng Opendi, yabwiye BBC ko iri tegeko rigiye gufasha leta kugera ku ntego yihaye yo gukingira abana bose.

Yavuze kandi ko hari ababyeyi n'abandi bari mu madini amwe na mwe banga gukingiza abana babo.

Gahunda ya leta ikingira abana indwara zinyuranye zirimo imbasa na mugiga.

Muri 2015, ishami rya ONU ryita ku buzima OMS, ryavuze ko ugereranyije abana 70 ku bana 1000 muri Uganda bapfa batarageza ku myaka itanu.

Ministri w'ubuzima wa Uganda yabwiye BBC ko abana bagera kuri 3% muri icyo gihugu badakingiye.

Yongeyeho kandi ko hari abayobozi bamwe b'amadini mu gihe cyashize batawe muri yombi ariko ntihagire icyaha bashinjwa kubera ko nta tegeko rihana abadakingiza abana ryari ririho.

Idini ryanze gukingiza abana yavuze ko rizwi ku izina rya 666.

Perezida Museveni yashyize umukono ku itariki ya 10 za kuno kwezi ariko ubungubu nibwo bwatangajwe.

Ibindi kuri iyi nkuru

Muri BBC

Imihora ya Internet bijanye

BBC ntibazwa ibivuye mu mguga zitari izayo