Amwe mu mafoto yaranze kino cyumweru: 19-25/03/ 2016

Amwe mu mafoto meza BC yabahitiyemo yaranze amakuru yo hirya no hino ku isi muri kino cyumweru.

Uwufise ububasha kw’isanamu Yoan Valat / EPA
Image caption Ububirigi bwamaze iminsi itatu mu cyunamo nyuma y'ibitero by'iterabwoba byahitanye abantu 31 naho abagera kuri 300 bagakomereka. Ibyo bitero byagabwe kuwa kabiri ku kibuga cy'indege cya Zaventem n'aho abagenzi bategerereza gari ya moshi yo munsi y'ubutaka. Umutwe wiyita Leta ya Kiyislamu wavuze ko uri inyuma y'ibyo bitero.
Uwufise ububasha kw’isanamu Carlos Barria / Reuters
Image caption Barack Obama yabaye Perezida wa mbere wa Amerika ukiri ku butegetsi wasuye Cuba mu myaka 88 ishize. Perezida Obama na Perezida wa Cuba Raul Castro hano basubizaga ibibazo by'abanyamakuru kuwa mbere.
Uwufise ububasha kw’isanamu Pablo Martinez Monsivais / AP
Image caption Bavuye muri Cuba, Perezida Obama n'umugore we Michelle, berekeje muri Argentina, aho basabwe kubyinana n'ababyinnyi baho umucezo gakondo wa Tango.
Uwufise ububasha kw’isanamu Alex Coppel / AFP
Image caption Kabuhariwe mu mukino wo gusiganwa n'imodoka Formula 1, Fernando Alonso, yasohotse mu mudoka ye nta gikomere nyuma y'impanuka ikomeye muri irushanwa rya Australian Grand Prix.
Uwufise ububasha kw’isanamu Eduardo Soteras / AFP
Image caption Abashyigikiiye Denis Sassou Nguesso bishimira intsinzi ye mu matora y'umukuru w'igihugu muri Congo- Brazzaville nyuma yaho itegeko nshinga rihinduriwe akemererwa kongera kwiyamamaza. Yegukanye amajwi 60% mu gihe uwari umuri hafi mubo bari bahanganye yabonye 15% by'amajwi. Abatavuga rumwe na leta bavuze ko amatora yaranzwe n'uburiganya.
Uwufise ububasha kw’isanamu Danny Lawson / PA
Image caption Abantu barenga 5,000 baturuka hirya no hino ku isi bari mu irushanwa ry'isi yose ryo kubyina umudiho wo muri Ireland (World Irish Dancing Championships) ribera i Glasgow muri Ecosse.
Uwufise ububasha kw’isanamu Toru Hanai / Reuters
Image caption Umukinnyi w'amafilime - Leonardo DiCaprio - uherutse kwegukana igihembo cya Oscar - ari kumwe n'abafana be igihe hasohokaga bwa mbere sinema yitwa The Revenant i Tokyo.
Uwufise ububasha kw’isanamu Marcelo del Pozo / Reuters
Image caption Abo mu bafurere ba San Estaban bicuza ibyaha mbere y'imihango y'inzira y'umusaraba yo mu cyumweru gitagatifu mu mujyi wa Seville muri Espagne.
Uwufise ububasha kw’isanamu Andy Wong / EPA
Image caption Hanze y'urukuta rwa Great Hall of the People, i Beijing mu Bushinwa, umusirikare wo mu ngabo z'icyo gihugu ari mu bandi bari mu muhango wo kwakira Perezida w'Ubudage, Joachim Gauck, wari wasuye Ubushinwa.
Uwufise ububasha kw’isanamu Dylan Martinez/ Reuters
Image caption Umwana w'umuhungu yifotozanya ibinyugunyugu bibiri mu muhango w'imurika ry'ibinyugunyugu mu ngoro ndangamurage y' i Londres yitwa Natural History Museum.