Mu matora yo muri Amerika Sanders yatsinze muri Washington na Alaska

Bernie Sanders muri Wisconsin Uwufise ububasha kw’isanamu Getty Images

Bernie Sanders yatsinze mu zindi leta ebyiri mu gihe agerageza kuziba icyuho cy'amajwi hagati ye na Hillary Clinton mu guhatanira guhagararira ishyaka ry'abademokarate mu matora y'umukuru w'igihugu yo mu mpera z'uyu mwaka.

Bwana Sanders byitezwe ko aza gutsinda muri Washington n'amajwi 76% naho Hillary Clinton akegukana 24%.

Amatora kandi ateganijwe no muri leta ya Hawai ariko ibyavuye mu matora yaho ntabwo byari byamenyekana.

Televiziyo zo muri Amerika zavuze ko muri Alaska, Sanders aza kwegukana amajwi 79% mu gihe Clinton aza kubona 21%.

Nubwo bwose Bernie Sanders yatsinze muri izo leta, aracyafite akazi katoroshye kugira ngo abe yashyikira Hillary Clinton.

Madamu Clinton ubu amaze kubona intumwa (super delegates) 1223 mu gihe Sanders afite 920.

Hakenewe intumwa 2338 kugira ngo umukandida atsinde.

Izi ntumwa nizo zemeza mu nama nkuru y'ishyaka umukandida uzarihagararira mu matora.