Umugabo ukekwaho iterabwoba mu bitero by'i Buruseli yarekuwe

Indabyo z'urwibutso zashyizwe mu rubuga rwitwa Place de la Bourse. Uwufise ububasha kw’isanamu AP
Image caption Indabyo z'urwibutso zashyizwe mu rubuga rwitwa Place de la Bourse.

Ibiro by'umushinjacyaha mukuru mu Bubirigi byatangaje ko umugabo ushinjwa kugira uruhare mu bitero by'iterabwoba byagabwe muri icyo gihugu mu cyumweru gishize - yarekurwe kubera ko nta bimenyetso bihagije bimuhamya icyaha bafite.

Ubushinjacyaha buvuga ko uwo mugabo yitwa Faycal C.

Mbere yaho, abakurikiranira hafi iperereza bari bavuze ko yitwa Faycal Cheffou washinjwe ibyaha by'iterabwoba birimo no kwica.

Ibitangazamakuru byo mu Bubirigi byari byaravuze ko ashobora kuba ari umuntu wa gatatu uboneka mu mafoto yafashwe na za kamera z'umutekano ku kibuga cy'indege cy'i Buruseli mbere yuko kibasirwa n'ibitero, arikumwe n'abandi babiri bivugwa ko bashobora kuba bariturikirijeho ibisasu.

Uwufise ububasha kw’isanamu AFP
Image caption Kamera z'umutekano (CCTV) zafotoye Laachraoui, (lbumoso), Brahim el-Bakraoui (hagati ) n'undi mugabo utaramenyekana

Ibyo bitero byagabwe ku kibuga cy'indege cya Zaventem n'aho abagenzi bategerereza gari ya moshi kuwa kabiri ushize byahitanye abantu 35 naho abarenga 300 barakomereka.

Umutwe wiyita Leta ya Kiyislamu wavuze ko uri inyuma y'ibyo bitero.