Claudio Ranieri avuga ko itsinzi ya Leicester yabaye igisubizo cyiza ku gitutu cy'isiganwa muri shampiyona y'Ubwongereza

Claudio Ranieri na Jamie Vardy Uwufise ububasha kw’isanamu Rex Features
Image caption Claudio Ranieri Ashimira rutahizamu Jamie Vardy

Claudio Ranieri avuga ko ikipe ye ya Leicester City iyoboye urutonde rwa shampiyona iri mu byishimo bikomeye kandi ko ishobora guhangana n'igitutu cyo mu isiganwa ry'igikombe.

Leicester izwi ku izina ry'irihimbano rya The Foxes cyangwa "Amafuku", ugenekereje mu Kinyarwanda, yazamutseho amanota arindwi imbere ya Tottenham mu gihe hasigaye imikino itandatu gusa. Babigezeho batsinze Southampton 1-0.

Ranieri yagize ati: "Ndatuje cyane. Twizera ibyo turi gukora."

Yavuze ko 'buri wese' yari ategereje kureba uburyo Leicester iri bwitware nyuma yo kunganya kwa Tottenham na Liverpool 1-1, agira ati: "Twatanze igisuizo cyiza".

Isesengura: Kubera iki Leicester igoye gutsinda?

Leicester ikeneye amanota 12 gusa mu mikino yayo itandatu kugira ngo itware igikombe cya shampiyona.

Imikino isigaye
Leicester (Ya 1) Tottenham (Ya 2) Arsenal ( Ya 3)
Sunderland (hanze) (10/04, 13:30 zo mu Bwongereza) Man Utd (iwayo) (10/04, 16:00 zo mu Bwongereza) West Ham (hanze) (09/04 12:45 zo mu Bwongereza)
West Ham (iwayo) (17/04, 13:30 zo mu Bwongereza) Stoke (hanze) (18/04, 20:00 zo mu Bwongereza) Crystal Palace (iwayo) (17/04, 16:00 zo mu Bwongereza)
West Brom (iwayo) (21/04, 19:45 zo mu Bwongereza)
Swansea (iwayo) (24/04, 16:15 zo mu Bwongereza) West Brom (iwayo) (25/04, 20;00 zo mu Bwongereza) Sunderland (hanze) (24/04, 14:05 zo mu Bwongereza)
Man Utd (hanze) (01/04, zo mu Bwongereza) Chelsea (hanze) (01/05, 20:00 zo mu Bwongereza) Norwich (hanze) (30/04, 17:30 zo mu Bwongereza)
Everton (iwayo) (07/04, zo mu Bwongereza) Southampton (iwayo) (07/05, 15:00 zo mu Bwongereza) Man City (hanze) (07/05, 15:00 zo mu Bwongereza)
Chelsea (hanze) (15/05, zo mu Bwongereza) Newcastle (hanze) (15/05, 15:00 zo mu Bwongereza) Aston Villa (iwayo) (15/05 15:00 zo mu Bwongereza)

Ranieri yavuze ko ikipe ye izi neza ko ishobora kutazongera kubona amahirwe ku gikombe nk'ayo ifite ubu.

Ranieri, Umutaliyani w'imyaka 64 yagize ati: "Twemera ko ari shampiyona y'igitangaza kandi umwaka utaha ntuzaba nk'uyu,"

"We try to do our best. Other teams can win 3-0, 4-0. We have to fight to win 1-0. We must be focused in our way."

Igihe kirerekire mu mupira w'amaguru

Kuri uyu munsi, mu mwaka ushize, Leicester yari iri hasi ku rutonde rwa shampiyona yo mu Bwongereza ndetse ibura amanota arindwi ngo ijye mu kiciro cya kabiri nyuma yo gutsindwa na Tottenham 4-3.

Rutahizamu Jamie Vardy yari yatsinze inshuro imwe gusa mu mikino itandatu kandi The Foxes batsinzwe imikino 18 muri 29 ya shampiyona.

Leicester yakinnye imikino 41 ya Premier League kuva icyo gihe itsinda 27, inganya 10 itsindwa ine gusa bituma ihindura icyerecyezo cya shampiyona.

Isabukuru y'amavuko nziza

Uwufise ububasha kw’isanamu Reuters
Image caption Ikarito y'amandazi itwawe muri kajugujugu irimo nyi'iri Leicester Vichai Srivaddhanaprabha...

Nyir'ikipe ya Leicester Vichai Srivaddhanaprabha yavuye muri Tayilande ajya kureba umukino wayo na Southampton umunsi umwe mbere y'itariki ye y'amavuko.

Mu kwishimira uyu munsi mwiza, no gushimira abafana ba Leicester, ikipe yahaye abafana irindazi ndetse n'icupa ry'inzoga by'ubuntu ku mufana wese ufite tike.

Ranieri yagize ati: "Twamuririmbiye indirimbo y'isabukuru nziza mu cyumba cy'urwambariro mbere y'umukino kandi nasabye abakinnyi kumuha impano nziza, amanota atatu.

Srivaddhanaprabha ndetse n'abagendana nawe buriye kajugujugu bava kuri sitade ya King Power nyuma y'umukino ariko bagiye bamaze kubona neza ko agapaki k'amandazi kari mu ndege.

Uwufise ububasha kw’isanamu PA
Image caption ...mbere yo gufata ikirere