Amasasu akomeye yumvikanye mu mihanda y'umurwa mukuru wa Congo

Umwotsi urazamuka hafi y'ibiro bya guverinoma mu karere ka Makelekele, byatwitswe n'abashyigikiye uruhande rutavuga rumwe na leta i Brazzavile ku ya 4/04/2016 Uwufise ububasha kw’isanamu Reuters
Image caption Ibiro bya guverinoma mu karere ka Makelekele k'umujyi wa Brazzaville byakongejwe kare mu gitondo

Amasasu akomeye yumvikaniye mu mihanda ya Brazzaville, umurwa mukuru wa Congo, aho ingabo zoherejwe.

Ababibonye babwiye BBC ko ibiro bya polisi byatewe ku wa Mbere mu gitondo mu gace ka Makelekele.

Ibiro ntaramakuru bya Reuters biravuga ko abigaragambya b'urubyiruko rushyigikiye uruhande rutavuga rumwe na leta baririmbaga bagira bati: "Sassou, genda!" ku wa Mbere mu gitondo.

Ibi bibaye nyuma y'ibyumweru bicye Denis Sassou Nguesso atsinze amatora y'umukuru w'igihugu ku nshuro ya gatatu, yateye impagarara.

Bwana Sassou Nguesso ari ku butegetsi kuva mu mwaka wa 1979, uvanyemo imyaka itanu gusa yatsinzwe amatora yo mu mwaka wa 1992.

Abatavuga rumwe na leta bavuze ko amatora yo mu kwa Gatatu yaranzwe n'"ubuiganya bukomeye".

Uwufise ububasha kw’isanamu Reuters
Image caption Abigaragambya bamagana guverinoma bashyizeho bariyeri kandi umunyamakuru wacu aravuga ko abantu benshi batari kuva mu mazu yabo

Umuyobozi utatangajwe izina yabwiye ibiro ntaramakuru AP ko polisi iri kurwana n'abitwa abarwanyi b'umutwe wa Ninja.

Inntambara z'umwiryane n'imyivumbagatanyo byigeze kwibasira igihugu.

Aba ba Ninja bamaganye ingabo za guverinoma ku buryo bukomeye mu gihe cy'intambara y'umwiryane hagati ya 1997-1999.

Bari bashyigikiye uwahoze ari minisitiri w'initebe Bernard Kolelas ndetse basinya amasezerano y'amahoro na guverinoma muri 2003.

Ibindi kuri iyi nkuru

Muri BBC