Amnesty irerekana izamuka 'riteye inkeke' ku inyongwa ry'abantu ku isi

Abo mu muryangi w'umukozi wo mu rugo Siti Zainab wo muri Indoneziya bafite icyapa (iburyo) bafite ifoto ye mu rugo rwe i Bangklan mu ntara y'uburasirazuba bwa Java. 05/04/2015 Uwufise ububasha kw’isanamu AFP
Image caption Siti Zainab ni umwe mu bagore bo muri Indoneziya banyonzwe na Arabiya Sawudite mu kwezi kwa Kane 2015

Amnesty International iravuga ko izamuka ry'umubare w'abantu banyongwa ku isi ryatumye abantu bahawe igihano cy'urupfu umwaka ushize baba benshi kuruta indi myaka kuva muri 1989.

Icyegeranyo cy'Umuryango Amnesty International kigaragaza ko abantu bagera ku 1.634 baranyonzwe muri 2015, izamuka ryo ku kigero cya 50% ugereranyije n'imyaka yabanje.

Irani, Pakisitani na Arabiya Sawudite bifite ikigero cya 89% ku bantu bicwa.

Igiteranyo ntikirimo Ubushinwa, aho Amnesty International yavuze ko abantu babarirwa mu bihumbi banyonzwe ariko uburyo byakozwemo bikaguma mu ibanga.

Ku rundi ruhande, uyu muryango wanabonye ko ibihugu byinshi ku isi byakuyeho burundi igihano cy'urupfu.

Uwufise ububasha kw’isanamu AFP
Image caption Pakisitani yisubiyeho yongera gusubizaho inyongwa ry'umusivile mu kwezi kwa 12/2014

Fiji, Madagascar, Congo-Brazzaville na Suriname byahinduye amategeko yabyo muri 2015, mu gihe Mongoliya nacyo cyashyizeho itegeko mpanabyaha rishya rizatangira gushyirwa mu bikorwa muri uyu mwaka.

Amnesty ivuga ko Ubushinwa bukiri igihugu kiri ku isonga mu kunyonga. Igereranya ko abantu babarirwa mu biuhumbi bishwe kandi abandi bakatirwa igihano cyo gupfa muri 2015.

Yongeraho ko hari ibimenyetso byerekana ko umubare w'abishwe mu Bushinwa wagabanutse mu myaka ya vuba ishize ariko ubwiru bwihishe inyuma y'igihano cy'ururpfu ntibwatumye imibare nyayo imenyekana.

Amnesty ivuga ko Irani yanyonze abantu bagera kuri 977 muri 2015, benshi bazize ibyaha bifitanye isano n'ibiyobyabwenge, ugereranyije na 743 mu mwaka wabanje wa 2014.

Uyu muryango wabonye abantu banyonzwe, barimo abantu bane bari munsi y'imyaka 18 igihe bakoraga ibyaha bahamijwe. Amnesty yavuze ko ibi byarenze ku mategeko mpuzamahanga.