Guverinoma ya Libiya 'igiye kwegura'

Ingabo zishinzwe umutekano ziri imbere y'ibiro bikuru by'ubutegetsi mu mujyi i Tripoli ku ya 05/04/2016 Uwufise ububasha kw’isanamu Reuters
Image caption Umutekano warahungabanye muri Libiya kuva perezida Muammar Gaddafi yakurwa ku butegetsi muri 2011

Itangazo rya minisiteri y'ubucamanza ryavuze ko imwe muri guverinoma ebyiri zishyamiranye muri Libiya yatangaje ko igiye kwegura.

Itangazo rije icyumweru mbre y'icyumweru kimwe guverinoma y'ubumwe bw'igihugu ishyigikiwe n'Umuryango w'Abibumbye igeze mu murwa mukuru i Tripoli.

Ubutegetsi buri i Tripoli bushyigikiwe n'abagendera ku murongo wa kiyisilamu bwavuze ko bwegura kugira ngo hakumirwe imena ry'andi maraso.

Kuva muri 2014 Libiya ifite ubutegetsi bw'impande ebyiri zibangikanye, bumwe bukorera i Tripoli bushyigikiwe n'abarwanyi bakomeye ubundi bukorera mu muyi w'icyambu wa Tobruk.

Ubutegetsi bukorera i Tobruk, bwashinzwe n'inteko ishinga amategeko, bukirwanya leta ishyigikiwe na LONI.

Uwufise ububasha kw’isanamu AP
Image caption Minisitiri w'intebe wa guverinoma y'ubumwe PM Fayez Sarraj na bagenzi be bageze i Tripoli mu cyumweru gishize.

Itangazo ryagize riti:

"Turabamenyesha ko tugiye guhagarika imirimo yacu nk'ubutegetsinyubahirizategeko, perezidansi, inteko ishinga amategeko ndetse n'abaminisitiri muri guverinoma," ibyo byatangajwe na guverinoma yiyise i'ubutabazi bw'igihugu, yashyizweho n'inteko ishinga amategeko yacyuye igihe, izwi ku izina rya General National Congress (GNC).

Abanyamakuru baravuga ko itangazo ririho ikirango cya guverinoma ariko ko nta mikono cyangwa amazina y'abaminisitiri arigaragaraho.