Inyandiko za Panama: Ibiro bya Mossack Fonseca muri El Salvador byatewe na polisi

Polisi ikora iperereza iri imbere mu biro bya Mossack Fonseca ahitwa San Salvador, El Salvador ku ya 08/04/2016 Uwufise ububasha kw’isanamu Reuters
Image caption Abategetsi bavuga ko abakozi ba Mossack Fonseca bari bakuye ikirango cyayo ku biro

Ibiro by'umushinjacyaha mukuru biravuga ko abategetso muri El Salvador bateye ibiro by'ikigo cyo mu rwego ruburanira abantu mu mategeko cyo muri Panama kiri mu ruhando rw'inyandiko zanyerejwe.

Abategetsi batangarije ku rubuga nkoranyambaga rwa twitter ko inyanduko na mudasobwa byafatiwe mu biro bya Mossack Fonseca.

Ibiro by'umushinjacyaha mukuru byavuze ko hashize umunsi umwe ikirango cya Mossack Fonseca gikuwe ku biro byayo ndetse binavuga ko umukozi yavuze ko Mossack Fonseca yari igiye kuva mu gihugu.

Inyandiko zanyereye zigashyirwa hanze zerekana uburyo abaherwe bakoresha ibigo byo mu mahanga mu guhunga imisoro.

Iki gitero cyari gihagarariwe n'umushinjacyaha mukuru wa El Salvador, Douglas Melendez.

Inyandiko yashyizwe ku rubuga rwa Twitter rw'ibiro by'umushinjacyaha mukuru ivuga ko ishami ry'ibiro bya Mossack Fonseca muri El Salvador byashoboye guha serivisi abakilira babyo mu buryo bukorewe 'hanze y'ibiro' ku isi yose.

Amakuru yo ku rubuga rw'amakuru rukorera mu gihugu, El Faro byandika mu rurimi rw'icyespanyoro (Espagnol) bivuga ko abanya El Salvador bakoresheje Mossack Fonseca mu kugura imitungo badatangaje abategetsi b'igihugu ba ny'irukugura iyo mitungo.

Ikigo cya Mossack Fonseca cyahakanye ko nta kintu kibi cyakoze kinavuga ko amakuru ari gutangazwa mu buryo butari bwo.

Uwufise ububasha kw’isanamu Reuters
Image caption Abakora iperereza bafashe inyandiko na mudasobwa

Ahandi:

  • Iperereza ryatangiye muri Arijantine nyuma y'uko bigaragariye ko perezida Mauricio Macri avugiwe mu nyandiko zo muri Panama
  • Minisitiri w'intebe w'Ubwongereza, David Cameron ashinjwa 'uburyarya' n'ishyaka ritavuga rumwe n'ubutegetsi 'rya Labour nyuma y'uko avugiye ko yari afite imigabane mu kigo cyashinzwe na se wapfuye, hanze y'igihugu.
  • Ibiro bishinzwe kurwanya ikoreshwa ry'amafaranga yabonetse mu nzira zinyuranye n'amategeko muri Tayilande bivuga ko biri gukora iperereza ku bantu 16, barimo abanyapolitike bategeka ubu cyangwa bahoze mu butegetsi ndetse n'abacuruzi bazwi cyane bafite amazina yabo yatangajwe mu nyandiko za Panama.
  • Perezida w'Uburusiya Vladmir Putin ahakana uruhare rushingiye kuri konti hanze y'igihugu kabone n'ubwo izina rye ritigeze rishyirwa mu nyandiko ku buryo butaziguye avuga ko inyerezwa ry'izi mpapuro ari imwe mu nzira z'umugambi uyobowe na Amerika ugamije guca intege Uburusiya.
  • Ikinyamakuur Le Monde cyo mu Bufaransa kivuga ko abategetsi benshi bo muri Congo-Brazzaville bari hafi ya perezida, Denis Sassou Nguesso, bari mu bavugwa mu nyandiko za Panama mu bigo bicuruza peteroli mu gihugu.