Cameron yatangaje ibijyanye n'imisoro ye mu gihe cy'ibibazo bijyanye n'inyandiko za Panama.

David Cameron Uwufise ububasha kw’isanamu Getty Images
Image caption Minisitiri w'Intebve w'Ubwongereza David Cameron

Amakonti ya David Cameron yerekana ko yishyuye imisoro ingana na hafi 76.000 by'amapawundi akoreshwa mu Bwongereza, ku mutungo wa 200.000 muri 2014-2015.

Minisitiri w'Intebe w' Ubwongereza, David Cameron, yatangaje umutungo we n'uburyo yatanze imisoro mu gihe cy'imyaka itandatu ishize, bikurikiye igitutu kimaze icyumweru cyatewe n'inyandiko zo muri Panama.

Ni ku nshuro ya mbere Minisitiri w'intebe uri ku butegetsi atangangaza amakuru nk'aya.

Bwana Cameron yahaswe ibibazo kuva byamenyekana ko se wapfuye yafunguje ikigo muri konti muri Panama hanze y'Ubwongereza;nyuma yaje kwemera ko yagurishije imigabane ihwanye na 44.000 by'amadolari mbere y'uko aba Minisitiri w'intebe.

Amakuru ari mu byatangajwe na Bwana Cameron yerekana ko yabonye ubwishyu bw'amadolari arenga 300.000 ayahawe na nyuna mu mwaka wa 2011, nyuma gato yo kuragwa arenga 400.000 by'amadolari mu migabane ya se.

Uwufise ububasha kw’isanamu EPA
Image caption Imyigaragambyo yamagana Bwana David Cameron

Imibare yerekaywe na Minisitiri w'Intebe yerekana ko:

  • We n'umugore Samantha babonye inyungu ya 19.000 by'amapawundi nyuma y'igurisha ry'imigabane yabo y'ikigo Blairmore Holdings
  • Bwana Cameron yatangaje inyungu ya 9.501 by'amapawundi kuri iyo migabane ari munsi ya 10.100 y'iigishoro cy'icyo gihe
  • Bwana Cameron yarazwe 300,000 by'amapawundi ise amaze gupfa muri 2010
  • Nyuma yahawe 100.000 na nyina mu kwezi kwa gatanu n'ukwa Karindwi muri 2011 mu rwego rwo kuringaniza irage hagati ya Bwana Cameron n'abavandimwe be.
  • Muri 2014-15, David Cameron yishyuye imisoro 75.898 ku nyungu za 200.307
  • Uretse umushahara we nka Minisitiri w'Intebe, mu mwaka ushize yahawe n'ishyaka rye rya Conservative 9.834 asoresgwa n'inyungu za 3.052 mu kuzigama kwe muri High Street bank