Umutingito wo muri Afghanistani wajegeje imijyi ikomeye

Umugabo wakomerekeye mu mutingito ajyanwe kwa muganga kuvurwa mu bitaro i Peshawar muri Pakistani ku itariki ya 10/04/2016 Uwufise ububasha kw’isanamu EPA
Image caption Hari abakomeretse kubera umutingito i Peshawar muri Pakistan

Umutingito wo ku gipimo cya 6.6 wumvikanye mu mijyi ikomeye iherereye mu majyepfo y'uburengerazuba bwa Aziya.

Ikigo cyo muri Leta Zunze Ubumwe za Amerika kigenzura imitingito cyavuze ko umutingito wibasiye Afuganistani, hafi y'umupaka wayo na Tajikistani, saa 10:28 ku isaha mpuzamahanga (GMT).

Hari amakuru avuga ko umutingito wumvikanye i Kabul, Islamabad, Lahore na Delhi, bituma abaturage bava mu ngo zabo.

Mu kwezi kwa 10 2015, umutingito w'igipimo cya 7.5 wishe abantu bakabakaba 300 kuri uwo mupaka nyine wibasiwe uyu munsi.

Uyu wabaye mu gace gatuwe n'abantu bo mu misozi ya Hindu Kush, wageze ku bilometero 210. Ni na ko byari bimeze muri 2015.

Ibinyamakuru byo muri Pakistani biravuga ko abantu bagera kuri 27 bajyanywe mu bitaro i Peshawar. Nta makuru y'ako kanya yerekeye ibyangiritse byinshi yatangajwe.

Uwufise ububasha kw’isanamu EPA
Image caption Abantu 27 bakiriwe mu bitaro i Peshawar

I Delhi, nko mu bilometero 620 uvye mu izingiro ry'ahabereye umutingito, serivisi za gari ya moshi zahagaze akanya gato. Umunyakuru wa BBC Sanjoy Majumbder yavuze ko ingaruka z'uyu mutingito zumvikanye no mu murwa mukuru w'Ubuhinde.

Umuvugizi w'urwego rushinzwe ibiza mu Buhinde, Ahmad Kamal, yavuze ko ibisigazwa by'ubutaka bwariduwe n'umutingito nabyo biteye inkeke.

Akarere kibasirwa cyane

Uwufise ububasha kw’isanamu AFP
Image caption Mu kwezi kwa 10 umutingito wateye ubutaka kuriduka mu mjyaruguru y'ikibaya cya Hunza muri Pakistani

Hamza Nadeem, w'imyaka 19, yumvise umutingito ari mu nzu ye i Sialkot mu burasirazuba bwa Pakistani.

Yabwiye BBC ati: " Numvise igisenge gitigita noneho numva inzu yose ibaye nk'inyeganyeze. Twese twahise twirukira hanze"

"Byamaze nk'umunota n'igice, ntacyangiritse, ariko byari ibintu biteye ubwoba. Twese twahagaze turasenga gusa."