Urwanda rukeka guterwa na FDLR

Rwanda Uwufise ububasha kw’isanamu other
Image caption Ibendera y'Urwanda

Itangazo ryasohowe na Minisiteri y'ingabo rivuga ko abantu bakekwa ko ari abo mu mutwe wa FDLR bateye icyicaro cy'igipolisi kiri mu mu murenge wa Bugeshi mu karere ka Rubavu, mu ntara y'Uburengerazuba ahahora hitwa Gisenyi hahana urubibi n'igihugu cya Congo.

Lt Koloneli Rene Ngendahimana, umuvugizi w'ingabo z'U Rwanda yavuze ko aba bantu bacengeye baturuka ku butaka bwa Congo cyakora ntiyavuze umubare wabo.

Yavuze ko ingabo z'U Rwanda zashoboye gusubiza inyuma aba barwanyi ndetse ko n'ibintu byasubiye mu buryo cyakora, itangazo ntirivuga ibyaba byangijwe n'iki gitero.

Iri tangazo rya Ministeri y'ingabo ntabwo rivuga niba abantu bahitanywe n'iki gitero uretse ko ryavuze ko andi makuru kuri iki kibazo aza gutangazwa nyuma.

Ibinyamakuru byinshi byo ku mbuga za interineti byo byo bivuga ko iki gitero cyoba cyahitanye abapolisi babiri ku ruhande rw'U Rwanda, cyakora ntacyo bivuga ku barwanyi bateye.

Haravugwa kandi n'imodoka y'igipolisi cy'u Rwanda ngo yaba yahawe inkongi y'umuriro n'abagabye iki gitero.

Amakuru aravuga ko iki gitero cyagabwe mu ijoro ryo ku wa Gatanu.

Aka gace gakunze kubamo abashyamirane hagati y'U Rwanda na Congo ndetse rimwe na rimwe kigeze kubamo ugukozanyaho hagati y'impande zombi.