Muri Afghanistan abantu benshi baguye mu gitero cy'umwiyahuzi i Kabul

Bamwe mu bashinzwe umutekano muri Afghanistani Uwufise ububasha kw’isanamu Reuters
Image caption Abashinzwe umutekano bazitiye aho byabereye

Perezida Ashraf Ghani yatangaje ko abantu benshi baguye mu gitero cy'umwiyahuzi mujyi wa Kabul rwagati igihe haturikaga ikintu gikomeye.

Umuvugizi wa minisiteri y'ubutegetsi bw'igihugu, Sediq Sediqqi, yavuze ko umwiyahuzi yaturikije imodoka.

Abantu babariwa muri mirongo biravugwa ko bakomeretse.

Umuvugizi w'umutwe w'abatalebani yavuze ko aribo bari inyuma y'icyo gitero nyuma y'icyumweru kimwe uwo mutwe utangaje ko utangiye ibitero byawo byo mu gihe gikurikira ubukonje bukabije.

Uwufise ububasha kw’isanamu EPA
Image caption Iduka ry'uyu mugabo ryangijwe n'icyo gitero

Icyo gitero cyo kuri uyu wa kabiri mu gitondo cyabereye mu gace gatuwe kegereye minisiteri y'ingabo n'izindi nyubako za gisirikare mu gihe abantu benshi barimo bajya ku kazi.

Umuvugizi wa minisiteri y'ubuzima yabwiye BBC ko abantu barenze 40 bakomeretse bajyanywe mu bitaro biri mu mujyi wa Kabul.

Ibiro by'umukuru w'igihugu byamaganye byivuye inyuma icyo gitero.