Perezida Obama yabonanye n'urubyiruko mu Bwongereza

Obama
Image caption Obama abonana n'urubyiruko i Londres

Perezida wa Leta zunze Ubumwe za Amerika, Barack Obama - uri mu ruzinduko mu Bwongereza - yasabye urubyiruko kwima amatwi abarubwira kwirengagiza ibibera hirya no hino ku isi.

Avugira i Londres igihe yasubizaga ibibazo bya bamwe mu rubyiruko, Obama yavuze ko nyuma y'imyaka igihumbi y'ubushyamirane bwaranze Uburayi ubu hari amahoro n'umutekano kuri uwo mugabane byazanywe n'inzego zavutse nyuma y'intambara ya kabiri y'isi yose harimo n'Umuryango w'ubumwe bw'Uburayi.

Kuwa gatanu, Barack Obama yashyigikiye Ministri w'intebe w'Ubwongereza, David Cameron, uri mu gikorwa cyo kwamamaza asaba abaturage kudatora kuva mu muryango w'Ubumwe bw'Uburayi muri Kamarampaka iteganijwe mu kwezi kwa gatandatu.

Abari mu gikorwa cyo kwamamaza basaba ko abaturage batora ko Ubwongereza buva muri uwo muryango, banenze cyane Perezida Obama.

Ibindi bisa n’ibi