Perezida wa Guinee Equatoriale,Teodoro Obiang, yatowe n'amajwi hafi 94%

Teodoro Obiang amaze imyaka 36 ku butegetsi. Uwufise ububasha kw’isanamu AFP
Image caption Teodoro Obiang amaze imyaka 36 ku butegetsi.

Perezida wa Guinee Equatoriale, Teodoro Obiang Nguema yatorewe gukomeza kuyobora icyo gihugu.

Uyu mugabo umaze igihe kirekire ku butegetsi kurusha abandi baperezida muri Afurika, yatsinze amatora n'amajwi hafi 94%.

Muri ayo matora yari ahanganye n'abakandida 6 ariko amashyaka akomeye atavuga rumwe na leta yanze kuyitabira.

Teodoro Obiang, w'imyaka 73, yahiritse ubutegetsi bwa se wabo hashize imyaka 36.

Guinee Equatoriale ni kimwe mu bihugu bya Afurika bikize cyane kuri peteroli ariko abantu benshi babayeho mu bukene.

Uburenganzira bw'ikiremwamuntu ntibwubahirizwa neza muri icyo gihugu kandi ni kimwe mu bihugu byamunzwe na ruswa cyane ku isi.