Zuma ashobora kongera kuregwa ruswa

Perezida Zuma Uwufise ububasha kw’isanamu Reuters

Urukiko rukuru muri Afurika yepfo rwemeye ko hasubirwamo icyemezo cyafashwe muri 2009 cyo kureka gukurikirana Perezida Jacob Zuma ku byaha yashyinjwaga bya ruswa.

Abacamanza bavuze ko umukuru w'ubushinjacyaha wariho icyo gihe atashyize mu gaciro areka gukurikirana ibirego bigera hafi kuri 800 byashinjwaga Zuma.

Ubushinjacyaha bwisobanuye buvuga ko politiki yivanze muri urwo rubanza rufitanye isano n'amasezerano yo kugura intwaro afite agaciro ka miliyari nyinshi z'amadolari.

Abatavuga rumwe na leta bongeye nanone gusaba ko Perezida Zuma yegura ku butegetsi.