Leta nshya y'ubumwe muri Sudani yepfo

Riek Machar Uwufise ububasha kw’isanamu Reuters
Image caption Irahira ry'abagize leta y'ubumwe muri Sudani yepfo

Muri Sudani yepfo bashyizeho leta y'ubumwe. Iyi ni iyindi ntambwe mu kugerageza kurangiza intambara imaze imyaka ibiri isenya icyo gihugu.

Iyo leta nshya igizwe n'abaministri bashyigikiye Perezida Salva Kiir hamwe n'abo ku ruhande rw'uwo bahanganye Riek Machar umaze igihe ayoboye inyeshyamba zirwanya ubutegetsi.

Kuwa kabiri, Bwana Machar yagarutse mu murwa mukuru Juba kuba visi perezida muri leta nshya.

Hakurikijwe amasezerano y'amahoro yo kuwa 26/08/2015, iyo leta nshya igizwe n'abaministri 30 bavuye ku ruhande rwa Perezida Kiir na visi perezida Riek Machar n'andi mashyaka, cyane cyane ayatavuga rumwe na leta.

Intambara hagati y'abanya Sudani yepfo yatangiye mu mpera z'ukwezi kwa 12 muri 2013.

Imaze guhitana abantu babarirwa mu bihumbi mu gihe abarenga miliyoni ebyiri yabavanye mu byabo.