Itsinda ry'ingabo z'Ubwongereza zizajya muri Somaliya mu butumwa bw'amahoro

Abasirikare b'Ubwongereza mu butumwa bw'amahore muri Chipres Uwufise ububasha kw’isanamu MoD
Image caption Ubwongereza bumaze igihe butera inkunga y'amafaranga ubutumwa bw'amahoro bwa LONI

Itsinda ry'abasirikare b'Ubwongereza ryageze muri Somaliya mu rwego rw'ubutumwa bw'Umuryango w'Abibumbye bugamije kurwanya abarwanyi ba kiyisilamu.

Abasirikare 10 bo mu cyiciro gikomeye baturuka mu gikundi kizwi nka Force Troop Command, ndetse n'ingabo zitanga imyitozo bazafasha ingabo z'Umuryango w'Ubumwe bwa Afurika mu kurwanya umutwe wa al-Shabab.

Abagera kuri 70 bazagera muri Somaliya batwaye imiti n'ibikoresho bikenewe mu kazi kabo.

Izindi ngabo zigera kuri 300 zizoherezwa muri Sudani y'Amajyepfo yazahajwe n'intambara.

Al-Shabab, umutwe wa kiyisilamu ushamikiye kuri al-Qaeda, irwana na guverinoma muri Somaliya ishaka kugenzura igihugu.

Uyu mutwe wagabye ibitero byinshi ndetse byibasiye n'ibihugu birimo na Kenya kandi bikekwa ko ufite abarwanyi bari hagati ya 7.000 na 9.000.

Ubutumwa bw'Umuryango w'Ubumwe bwa Afurika muri Somaliya (AMISOM) bwatangijwe muri 2007, kandi burimo ingabo nyinshi zituruka muri Uganda, mu Burundi muri Djibouti, muri Kenya na Etiyopiya.

Imirwano muri Sudani y'Amajyepfo hagati y'inyeshyamba na guverinoma yatumye abaturage basaga miliyoni ebyiri n'ibihumbi magana abiri (2.200.000) bahunga ingo zabo, nyuma y'uko Sudani y'Amajyepfo yitandukanyije na Sudani muri 2011.

Abasirikare b'Ubwongereza bazoherezwa muri Sudani y'Amajyepfo bazanakora imirimo yo gusana ibikorwa remezo.