Ihirima ry'inzu i Nirobi: Umwana yatabawe nyuma y'iminsi ine

Itabarwa ry'umwana w'umukobwa ku itariki ya 03 z'Ukwa Gatanu Uwufise ububasha kw’isanamu Reuters/Kenya Red Cross
Image caption Abategetsi basobanuye itabarwa ry'uyu mwana (uri hagati mu ibara ry'iroza) "nk'igitangaza"

Umwana w'umwaka umwe n'igice yatabawe akuwe mu bimanyu by'inyubako yahirimye mu minsi ine ishize mu murwa mukuru Nairobi wa Kenya.

Iyi nyubako y'amagorofa atandatu yari ituwemo yaguye mu gihe cy'imvura ikomeye ku wa Gatanu, yica abantu 22.

Abandi benshi babarirwa muri mirongo barakekwa ko bakiri munsi y'ibisigazwa by'inzu, ariko icyizere cyo kubabona ari baziba kiri kuyoyoka.

Uwufise ububasha kw’isanamu BONNY ODHIAMBO
Image caption Byavugwaga ko uyu mwana w'umukobwa yari afite ikibazo cy'umwuma ariko nta bikomere bigaragara yari afite.

Ny'ir'inzu aragezwa mu rukiko ku wa Kabiri aregwa icyaha cyo kwica ariko utabigambiriye.

Samuel Karanja Kamau yatawe muri yombi kwa Mbere.

Abategetsi bavuga ko atari afite ibya ngombwa byo gukodesha ibyumba 119 byo muri uwo muturirwa waguye.

Bwana Kamau nta cyo aravuga kuri ibyo birego.

Ibinyamakuru byo muri Kenya biravuga ko kugeza ubu abantu 135 bamaze gutabarwa.

Uwufise ububasha kw’isanamu EPA
Image caption Abantu babarirwa muri mirongo baracyaburiwe irengero mu bisigazwa by'inyubako yahirimye

Umuryango utabara imbabare, Croix Rouge, muri Kenya wavuze ko uruhinja rw'umukobwa rwavumbuwe mu bisigazwa by'aho inzu yahirimiye saa 04:00 ku isaha yo muri Kenya (01:00 ku isaha ngengamasaha; GMT) ahita ajyanwa kwa muganga guhabwa ubuvuzi.

Umunyamakuru wa BBC, Emmanuel Igunza, uri i Nairobi aravuga ko itabarwa ry'uru ruhinja ari igitangaza cyari gikenewe cyane mu gihe ibikorwa by'ubutabazi bigeze ku munis wa kane.

Iyindi mirambo yavumbuwe mu ijoro ryacyeye.