Intambara ya Siriya: Uburusiya bwizera ko amasezerano y'agahenge azagera no muri Aleppo

Umuriro hanze y'ibitaro bya al-Dabbeet nyuma y'ibitero bivugwa ko byagabwe n'inyeshyamba mu gace kagenzurwa na guverinoma ka Muhafaza muri Aleppo (03/05/2016) Uwufise ububasha kw’isanamu AFP
Image caption Itangazamakuru rya leta muri Siriya ryavuze ko ibitero by'inyeshyamba byibasiye ibitaro mu mujyi wa Aleppo ku wa Kabiri

Minisitiri w'Ububanyi n'amahanga w'Uburusira aravuga ko agahenge ko guhosha imirwano hagati y'ingabo za Siriya n'inyeshyamba gashobora no kugera mu mujyiw a Aleppo "mu masaha ari imbere".

Sergei Lavrov yavuze ko Uburusiya buri gukorana n'Umuryango w'Abibumbye ndetse na Leta Zunze Ubumwe za Amerika kugira ngo amasezerano y'agahenge agere no muri Aleppo mu mwumvikano ureba agace ka Damas na Latakia kuva ku wa Gatandatu.

Ariko Bwana Lavrov yatanze gasopo ko inyeshyamba zigomba kuva mu duce aho abarwanyi bamaze igihe bihishe.

Abantu basaga 250 bishwe mu minsi 10 mu mujyi wa Aleppo.

Hafi y'impfu zigera kuri bibiri bya gatatu ni iz'abantu bamaze igihe bari mu gace k'uburasirazuba bw'umujyi, barimo 50 bishwe n'ibitero bigabirwa mu kirere byakubise ibitaro Leta Zunze Ubumwe za Amerika zivuga ko byari byatewe bigambiriwe.

Ku wa Kane abantu 14 bishwe n'ibisasu by'inyeshyamba mu duce tugenzurwa na guverinoma twa Aleppo. Itangazamakuru rya leta rivuga ko barimo n'abandi bantu batatu bishwe mu gitero cyagabwe ku bitaro.

Intumwa idasanzwe y'umuryango w'Abibumbye muri Siriya, Staffan de Mistura, yafashe urugendo ajya i Moscow ku wa Kabiri kuganira ku buryo bwatuma agahenge kareba igihugu cyose kongera kugaruka muri Siriya. Ako gahenge kari karumvikanyweho hagati ya Leta Zunze Ubumwe za Amerika n'Uburusiy mu mpera z'ukwezi kwa Kabiri.

Uwufise ububasha kw’isanamu AFP
Image caption Umuryango utabara imbabare, Croix Rouge, watanze impuruza ko Aleppo iri hafi kugwa mu manga y'ibibazo bikomereye abantu
Uwufise ububasha kw’isanamu AFP
Image caption Hafi bibiri bya gatatu by'impfu zabonetse muri Aleppo, igenzurwa n'inyeshyamba

Nyuma y'ibiganiro hagati y'abahagarariye Ubutaliyani na Suwede, Bwana Lavrov yabwiye abanyamakuru ko ategereje icyemezo cyiri butume Aleppo nayo ijya mu gice kirebwa n'agahenge. "wenda mu masaba ari imbere".