Koreya y'Amajyaruguru 'ntizakoresha intwaro z'ubumara' keretse niterwa ubwoba

Kim Jong-un Uwufise ububasha kw’isanamu Reuters
Image caption Perezida wa Koreya y'Amajyaruguru Kim Jong-un

Itangazamakuru rya leta riravuga ko perezida wa Koreya y'Amajyaruguru yavuze ko igihugu kitazakoresha intwaro z'ubumara bwa 'nuclear' keretse ubusugire bwacyo nibuhungabanywa.

Koreya y'Amajyaruguru yasuzumye ibitwaro bya 'nuclear' ku nshuro ya mbere muri 2006, nyuma yo kuva mu rwego rw'amasezerano mpuzamahanga abuza ibitwaro by'ubumara.

Yamye itera ubwoba bwo kugaba ibitero by'ubumara bya 'nuclear' kuri Koreya y'Amajyepfo na Leta Zunze Ubumwe za Amerika.

Ariko Kim Jong-un ashobora kuba yarabwiye abo mu ishyaka ry'abakozi i Pyongyang ko afite ubushake bwo kuzahura umubano n'ibihugu batumvikana.

Umunyamakuru wa BBC ukorera muri Koreya y'Amajyaruguru avuga ko Bwana Kim asa n'ufite impu ebyiri kandi ahakorerwa ibitwaro bya 'nuclear' hasa n'ahari imyiteguro yo kongera gusuzuma ibindi bitwaro.