Inkongi muri Canada: Umuriro watse mu ntara ya Alberta uri gusingira no mu ntara bituranye

Imodoka zirenze umuriro muri Canada Uwufise ububasha kw’isanamu Reuters
Image caption Imodoka zakomeje kugenda ku wa Gatandatu zirimo izaheze mu majyaruguru y'umujyi wa Fort McMurray ziri butabarwe mu mpera z'umunsi

Abayobozi baravuga ko inkongi y'umuriro mu ntara ya Alberta muri Canada iri gukaza umurego ndetse ishobora kugera no mu yindi ntara bituranye ya Saskatchewan.

Ubushyuhe burimo n'umuyaga biri kubangamira ibikorwa by'abarwanya umuriro bagerageza kuwuzimya.

Abayobozi bavuga ko ari ibintu bisanzwe ko umuriro nk'uyu ushobora kumara igihe cy'amezi.

Uwufise ububasha kw’isanamu Getty Images
Image caption Inkongi ikaze y'umuriro yateye ingaruka nk'izigaragara kuri iyi foto mu mujyi wa Fort McMurray

Izi nkongi zamaze gutuma abantu 80.000 bimurwa bagakurwa mu ngo zabo mu mujyi wa Fort McMurray ucukurwamo peteroli nyinshi, kandi abandi babarirwa mu bihumbi baheze mu majyaruguru.

Ibikorwa byo kwimura abaturage byari bisanzwe biteganyijwe ku wa Gatandatu ubu birakorwa ku Cyumweru,

Umuyobozi w'intara ya Alberta Rachel Notleg yagize ati: "Iyi nkongi irenze igaruriro".

Ubu iyi nkongi yafashe ubuso bungana na kilometero 2.000 burimo uduce tukigurumana ndetse n'utwamaze gukongoka.

Iyi nkongi iri gukazwa n'imiyaga ikomeye mu gace k'amajyaruguru y'uburengerazuba ahagana mu ntara ya Saskatchewan kandi yari itegerejwe gusatira mu ntara ku wa Gatandatu.

Kugeza ubu umwotsi watewe n'umuriro wasakaye muri ako gace ndetse ubu hatangiye kugaragara ibibazo by'umwuka utameze neza mu ntara ya Saskatchewan no ku butaka bw'amajyaruguru n'Uburengerazuba.

Uwufise ububasha kw’isanamu AFP
Image caption Ubu umuriro uri gusingira intara ya Saskatchewan