Miliyari y'abantu 'bazahura n'imyuzure ikaze' mu myaka iri imbere.

Abatabazi barokoye abibasiwe n'imyuzure Uwufise ububasha kw’isanamu Getty Images
Image caption Abantu batuye hafi y'inyanja mu Bushinwa bari mu bashobora kuzahura n'imyuzure ikaze

Umuryango ufasha abari mu kaga wo mu Bwongereza, Christian Aid, uraburira abantu ko mu myaka ya za 2060, abantu barenga miliyari imwe ku isi bazaba batuye mu mijyi ishobora kurengerwa n'imyuzure kubera ihindagurika ry'ibihe.

Ubushakashatsi bwakozwe n'uwo muryango bwasanze ibihugu bitatu birusha ibindi kwohereza mu kirere ibyuka bigihumanya aribyo Leta zunze ubumwe za Amerika,

Ubushinwa n'Ubuhinde biri mu bizabangamirwa cyane n'izamuka rikabije ry'amazi y'inyanja, imvura zirimo imiyaga ikomeye n'ibihe by'ikirere bidasanzwe.

Imijyi umunani bizagiraho ingaruka cyane kurusha iyindi yose iri muri Aziya mu gihe muri Amerika ho havugwa cyane umujyi wa Miami.

Uwufise ububasha kw’isanamu Getty Images
Image caption Umujyi wa Miami muri Leta zunze ubumwe za Amerika wahuye n'imyuzure mu mwaka ushize

Christian Aid irasaba amaleta gufata ingamba zikomeye zo guhangana n'ihindagurika ry'ibihe, akanashyira kandi amafaranga ahagije muri gahunda zo gukumira ibiza.