Ibisasu bibiri byaturikiye i Baghdad

Abantu bashungireye aho igisasu cyaturikijwe mu modoka Uwufise ububasha kw’isanamu AFP
Image caption Abantu hafi ijana bahitanywe n'ibitero by'abiyahuzi i Baghdad mu cyumweru gishize.

Igipolisi cyo muri Iraq kiravuga ko ibisasu bibiri byaturikijwe mu murwa mukuru, Baghdad bigahitana abantu byibura cumi na batanu naho abandi benshi bagakomereka.

Kimwe muri ibyo bisasu biravugwa ko cyaturikijwe n'ikihebe cy'umugore wagabye igitero ku isoko riri mu karere ka al-Shaab mu majyaruguru y'uwo mujyi higanje abayislamu b'abashia.

Ikindi gisasu cyatezwe mu modoka mu gace ka al-Rasheed mu majyepfo ya Baghdad.

Ntabwo byari byamenyekana abari inyuma y'ibyo bitero ariko birashoboka cyane ko bishobora kuba ari iby'umutwe wiyita Leta ya Kiyislamu.

Uyu mutwe wahitanye abantu hafi 100 mu bitero nk'ibi mu cyumweru gishize.