Obama arashaka ko Zika irwanywa cyane

Umubyeyi ufite umwana wavukanye agatwe gato Uwufise ububasha kw’isanamu EPA
Image caption Indwara ya Zika ituma abana bavukana udutwe dutoya

Perezida wa Amerika, Barack Obama, araburira abantu ko indwara ya Zika idahagurikiwe ubungubu, yazagorana cyane mu bihe biri imbere.

Yanenze cyane abanyapolitiki bo mu gihugu cye banze gushyigikira gahunda ye yo gukoresha hafi miliyari ebyiri z'amadolari mu kurwanya iyo ndwara irimo kugenda isakara muri Amerika zombi.

Perezida Obama arinubira ko inteko nshingamategeko na sena nta bushake bifite bwo kwemera amafaranga ari hafi yayo we ashaka gusohora kuri iyo ndwara.

Image caption Obama ashaka gukoresha hafi miliyari ebyiri z'amadolari mu kurwanya Zika

Inteko nshingamategeko yo iranashaka ko hakoreshwa amwe mu mafaranga ari mu kigega cyo kurwanya indwara ya Ebola.

Indwara ya Zika ituma abana bavukana ubumuga bukomeye bukunze kurangwa cyane no kugira udutwe duto.

Abagore hafi 280 bo muri Leta zunze ubumwe za Amerika no mu ntara zayo banduye agakoko kayitera.